SHBA dhe BE kundër ndalimit të dinarit në Kosovë, Kurti mbrohet te Kushtetuta

Bashkimi Europian kritikon vendimin e Bankës Qendrore të Kosovës që ndaloi përdorimin e dinarit brenda republikës. Zëdhënësi Peter Stano, tha se kjo mund të ndikojë negativisht në stabilitetin në terren.

“Presim që Kosova dhe Serbia të shmangin veprimet e pakoordinuara, të cilat nuk shkojnë në frymën e normalizimit të marrëdhënieve dhe që mund të kenë një ndikim negativ në stabilitetin në terren” deklaroi Stano.

Edhe Departamentit Amerikan të Shtetit ka thënë se Kosova duhet të ofrojë më shumë kohë dhe të konsultojë komunitetet që preken nga vendimi i 27 dhjetorit, duke nënvizuar se, në përputhje me ligjin e Kosovës, Serbia “ka të drejtë të ofrojë ndihmë financiare për anëtarët e komunitetit etnik serb në Kosovë”.

Ndërkohë, për këto reagime, zv/kryeministri i Kosovës, Besnik Bislimi tha se nukPKFG ka logjikë në njërën rast të ketë insistim të bashkësisë ndërkombëtare që Kushtetuta të zbatohet në tërësi siç është rasti i tokës për Manastirin e Deçanit, dhe për kur ajo thotë se ka vetëm një monedhë në qarkullim në Kosovë, të njëjtit miq thonë këtë mos e zbatoni”.

Kujtojmë së disa ditë më parë, Banka Qendrore e Kosovës, ka miratuar një rregullore, sipas të cilës euro do të jetë monedha e vetme për kryerjen e transaksioneve nga data 1 mars.

LEXONI GJITHASHTU:

• Hill: Vendimi i Kosovës për dinarin serb, një befasi e panevojshme
• Kosova hoqi dinarin nga qarkullimi, reagon Lista Serbe