Evropa në izolim, 21 milionë francezë përjetojnë kufizimet, masa edhe në Poloni

21 Mars 2021 | 09:11

Në kohë normale, në dy anët e Senës do të kishte njerëz që shëtisnin.

Por Franca, sikurse pjesë të tjera të Evropës, ka rikthyer në fuqi izolimet e pjesshme.

Lëvizja ka ardhur pasi mbi 4 milionë infektime të verifikuara në vend dhe 92 vdekje të lidhura me COVID. Për pasojë, 21 milionë francezë do përjetojnë kufizime.

“Është e vështirë të mësohesh me kufizimet. Ne duam liri, duam të dalim, ndërkohë që këto na mohohen. Kënaqësitë e jetës së përditshme nuk i ndjejmë më”, u shpreh një pronar dyqani.

“Unë nuk qahem sepse vijoj punën, im shoq po ashtu. Kemi shtëpi, kemi fëmijë dhe jetën tonë. Më vjen keq për parizienët që janë të izoluar, studentët e vetmuar, por nuk jemi aq sa për  të ardhur keq”, tha Catherine, avokate.

Të shtunën një izolim 3-javor nisi të zbatohet edhe në Poloni, ku variantet britanike të COVID përbëjnë mbi 60% të infektimeve.

Restorantet janë ato që ndjejnë më së shumti efektet.

“Të shohim sa do të zgjasin këto kufizime. Nëse bëhet fjalë për 1 apo 2 muaj, atëherë mirë. Por nëse shkon më gjatë, nuk e di ç’do bëjmë”, tha Wladyslaw, pronar restoranti.

Në mbarë Evropën ekziston ndjesia se qeveritë dhe autoritetet shëndetësore po vijojnë punën për frenimin e pandemisë.

Lexoni gjithashtu:

Franca rekomandon përdorimin e AstraZeneca për persona mbi moshën 55 vjeç

Nuk ka mjaftueshëm vaksina, ministri gjerman: S’e ndalim dot valën e tretë të Covid-19

Home Kryefaqja
Shiko në: YouTube
Lajme të Sugjeruara

25 mijë vende të reja pune nga investimi i Amazon në Evropë

Kompania amerikane Amazon ka njoftuar një plan të ri investimi prej më shumë se 10 miliardë eurosh për zgjerimin dhe modernizimin e rrjetit të saj...
17:16 | 04/06/2026

Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona

Katër persona humbën jetën të enjten pas një aksidenti të një aeroplani të vogël pranë qytetit Medulin në Istria, në bregdetin e Kroacisë. “Sipas informacionit që...
14:50 | 04/06/2026

11 raste në një javë, disa avionë rusë janë interceptuar në Baltik

Avionët luftarakë francezë u ngritën 11 herë gjatë javës së kaluar si pjesë e Misionit të Patrullimit Ajror Baltik të NATO-s, tha të enjten zëdhënësi...
14:27 | 04/06/2026