EMRAT| Qëlloi fqinjin me tre plumba në banesë, shkak debati për zhurmën

Një person ka mbetur i plagosur me armë zjarri në Durrës mbrëmjen e së enjtes.

Ngjarja ndodhi në lagjen nr. 4  në Durrës,  ku si pasojë e një konflikti të çastit, shtetasi  Gentian Kuqi, 50 vjeç, ka plagosur me armë zjarri pistoletë shtetasin Mikel Spirollari, 40 vjeç komshinj me njëri-tjetrin.

Shërbimet e Policisë me marrjen e njoftimit kanë shkuar menjëherë në vendngjarje dhe kanë rrethuar zonën dhe vijon puna për kapjen e autorit, i cili pas plagosjes së shtetasit M.S, është larguar menjëherë nga vendi i ngjarjes.

Burime bëjnë dije se autori është ankuar për zhurmën. Ka shkuar në shtëpinë e të plagosurit, nuk i kanë hapur derën dhe ka qëlluar me 3 plumba, 2 nga të cilët kanë kapur në trup 40-vjeçarin.

LEXONI GJITHASHTU:

• Plagosje me armë zjarri në Durrës
• Ishte dënuar për plagosje, nënkomisari i Durrësit u vetëvra në kushtet e depresionit