Elton Haxhi: PS dëm të madh politikave fiskale, premtimet e PD kërkojnë 120 mld lekë

Elton Haxhi, ish-zv.ministër i Ekonomisë thotë se dy partitë kryesore në fushatën për zgjedhjet e 25 prillit janë shumë të “stresuara” dhe kjo gjë i ka nxitur që të bëjnë premtime të pamenduara mirë.

Ai tha se premtimet e PD kërkojnë një buxhet prej 120 miliardë lekë, ndërsa për PS tha se ka mungesë transparence dhe ka dëmtuar politikat fiskale me heqjen e taksave për biznesin e vogël.

“Të dy palët janë të stresuar në bërjen e premtimeve. PS e hapi lojën me përjashtmin e biznesit të vogël që është një dëm shumë i madh që i është bërë politikave fiskale. PD natyrshëm nuk kishte se sit ë thoshte do i takoj biznesi e vogël”, tha z. Haxhi.

Sipas tij premtimi për të rritur pagën minimale me 40 mijë lekë në fakt nuk sjell dobi për biznesin dhe qytetarët por sjell më shumë para në buxhetin e shtetit edhe në publik paraqitet si diçka tjetër.