Ministrja e Bujqësisë me blegtorët e jugut, Denaj: Do të plotësojmë kërkesat

Pas protestës së tretë të zhvilluar nga blegtorët e jugut, ministrja e Bujqësisë, Anila Denaj është ulur në takim me ta.

Blegtorët kanë kërkuar me insistim plotësimin e katër kërkesave,  të cilat i cilësojnë të panegociueshme: rritjen e çmimit të qumështit, dyfishimin e subvencioneve, transparencë në ndarjen e kullotave dhe investimet për veprat ujitëse në blegtori.

Ministrja Denaj ka shprehur angazhimin e qeverisë dhe strukturave vendore për plotësimin e kërkesave të grevistëve.

“Puna e përditshme që ata bëjnë është një punë jo e lehtë  është një punë e vështirë sepse duke qenë se kjo është një nga zonat më të pasura  për të imtat dhe  kryesisht është një punë në male nuk i mundëson  të gjitha nevojat dhe kërkesat që ata kanë  dhe një pjesë e tyre lidhet me pushtetin vendor  siç janë kullotat,  të cilat duhet  të zgjaten në kohë  dhe infrastruktura e ujit  sepse sigurisht nuk mund të jetohet  pa ujë për bagëtitë,  nga ana tjetër pjesa e fëemrerëve të cilët kanë me pak krerë sesa nga ajo  që ne mund të imagjinojmë për tu subvencionuar  nuk lidhet me nevojën për të shtuar krerë automatikisht por për tu bashkuar në mënyrë që edhe investimet  që bëhen në kullota  dhe  në infrastrukturën e ujit të jetë për një sasi më të madhe  krerësh pavarësisht se secili ka  krerët e veta”, ka thënë Denaj.

“Ne do të presim na ka kërkuar edhe një  përfaqësi që të vemi atje, të na pyesi si grup interesi problemi i kullotave prapë ngeli i pazgjidhur në kuptimin për pjesën e rigjenerimit  të tyre sepse duhen shumë  fonde për menaxhimin e tyre  tha për ato që kontratat do ti bëjmë  10-vjeçare edhe për veprat ujore do të bëhen disa investime por të gjitha nuk mund të bëhen njëherësh tha  këto janë problemet më të mëdha që kemi ne”, tha Alket Stroka, përfaqësues i blegtorëve.

Blegtoria është një ndër sektorët jetike për ekonominë lokale në zonën e Gjirokastrës në të cilën mbarështrohen aktualisht rreth 250 mijë krerë bagëti.

LEXONI GJITHASHTU:

• Marshojnë drejt Parisit| Protestat e fermerëve, bllokojnë autostradat në Francë
• Mollët serbe “mposhtin” ato shqiptare, fermerët në Korçë kërkojnë zgjidhje