Sulm me thikë në një stacion hekurudhor në Paris, tre të plagosur. Kapet autori

Tre persona u plagosën në një sulm me thikë në një stacion kryesor hekurudhor në Paris të shtunën (3 shkurt). Sipas një raporti të agjencisë së lajmeve AFP, sulmi ndodhi në stacionin hekurudhor Gare de Lyon.

Sipas mediave franceze, sulmi ndodhi në orën 8 të mëngjesit me orën lokale duke lënë një person me lëndime të rënda ndërsa dy të tjerë u plagosën lehtë.

Policia tha se sulmuesi i dyshuar është arrestuar, ndërsa motivet e krimit janë të paqarta.

“I dyshuari nuk bërtiti (asnjë parrullë fetare) gjatë sulmit të tij. Ai i paraqiti policisë një patentë shoferi italian,” i tha AFP një burim policor. Kombësia e burrit është ende e paditur.

LEXONI GJITHASHTU:

• Sulmet në Irak dhe Siri, Joe Biden: Përgjigja ushtarake e ShBA-së do të vazhdojë
• “Ma bëj hallall bir”- Vrau veten, fjalët e fundit të shqiptares: Burri më tradhton