Të shtëna me armë zjarri në Kurbin, një i vrarë dhe një i plagosur

Një ngjarje e rëndë raportohet të ketë ndodhur në fshatin Gurez të Kurbinit, ku një person është vrarë me armë zjarri dhe një tjetër është plagosur.

Lajmin e ka bërë të ditur Policia përmes një njoftimi, ku thuhet se viktimë ka mbetur një 70-vjeçar dhe është plagosur pronari i një firme 51-vjeç.

Ndërkohë Policia ndodhet në vendin e ngjarjes dhe vijon puna për identifikimin dhe kapjen e autorëve.

Njoftimi i Policisë:

Kurbin/Informacion paraprak

Rreth orës 07:00, është marrë njoftim se në fshatin Gurez, Kurbin, në ambientet e një firme ku përpunohen inerte, në rrethana ende të paqarta është vrarë me armë zjarri shtetasi S. M,  rreth 70 vjec, ekonomist i firmës, si dhe është plagosur pronari  shtetasi A. GJ, rreth 51 vjec, i cili është transportuar në spital për ndihmë mjeksore.

Shërbimet e Policisë Vendore kanë shkuar në vendngjarje, është rrethuar zona dhe vijon kontrolli i territorit.

Ndërkohë është ngritur një grup i posaçëm hetimor nën drejtimin e Prokurorisë për zbardhjen e rrethanave të ngjarjes, identifikimin dhe kapjen e autorit/ve.

Në ndihmë të Policisë vendore kanë shkuar forcat Kombëtare të Sigurisë dhe Forcat Speciale Renea.

Në një moment të dytë do të ketë njoftim më të plotë në lidhje me ngjarjen.

LEXONI GJITHASHTU:

• “Gjoba, rrahje, vrasje”- Arrestohen anëtarët e bandës së rrezikshme greko-shqiptare
• “Doja të vdiste”- 34-vjeçari shqiptar nuk shpreh pendesë për vrasjen e gruas