“Gjoba, rrahje, vrasje”- Arrestohen anëtarët e bandës së rrezikshme greko-shqiptare

Dy persona kanë përfunduar në prangat e policisë greke si të dyshuar për pjesëmarrje në grupin e rrezikshëm kriminal që operon në Athinë, të njohur me emrin “LIONS”.

Njëri prej të arrestuarve është një 19-vjeçar shqiptar me origjinë nga Fieri, i identifikuar si Bledi Alushi. Ndërkohë që shtetasi i dytë i ndaluar është 24-vjeçari grek Nektarios Karakalios.

Bashkë me ta, ka rënë në pranga për “armëmbajtje pa leje” edhe Ibro Cico, 65 vjeç nga Fieri, por që nuk ka dyshime se është i përfshirë në grupin e rrezikshëm kriminal.

Policia po vijon punën për identifikimin e personave të tjerë të cilët mund të jenë pjesë e bandës që dyshohet që ka kryer një sërë krimesh si grabitje, vrasje dhe gjobvënie.

Uniformat blu zbuluan 4 banesa që përdoreshin si bazë e këtij grupi kriminal dhe gjatë kontrolleve janë sekuestruar një automjet tip “Jeep Renegade”, 2 pistoleta, 1 silenciator, 1 krehër pistolete, 68 fishekë të kalibrave të ndryshëm, 3460 euro dhe 1 celular.

Në një prej banesave, policia ka gjetur dhe ka arrestuar 65-vjeçarin Ibro Cico për armëmbajtje pa leje.

Grupi kriminal akuzohet për rrahjen brutale të Spartak Latos, i cili ndodhej së bashku me Dimitrios Latos, Maria Latos, Kristina Tsakiri dhe një fëmijë 1 vjeç.

Latos u ndalua në rrugën “Lenorman” dhe një grup prej 7 personash ndaluan mjetin dhe zbritën drejtuesin të cilët e rrahën me sende të forta.

Nga deklarimet e dëshmitarëve dhe nga analiza e pamjeve filmike, rezulton se autorët e sulmit të armatosur janë Bledi Alushi dhe Nektarios Karakalios dhe të paktën 5 persona ende të paidentifikuar.

Nektarios Karakalios dyshohet se është personi që plagosi me armë të dashurën e tij, për të cilën deklaroi gjatë pyetjes nga policia se kishte plagosur veten me armë zjarri.

Gjithashtu Karakalios dhe 19-vjeçari shqiptar kanë tentuar vrasjen e Kristos P. Loukas, i cili u plagos rëndë.

Bledi Alushi dhe Nektarios Karakalios dyshohet se janë personat që kanë qëlluar me armë zjarri në drejtim të Bar Restaurant VENUS” në pronësi të Pëllumb Hasanit nga Babica e Vlorës, në rrugët “Paraskevopoulou” dhe “Giannari” në Patisia. Ngjarje kjo e ndodhur më datë  09.01.2024.

LEXONI GJITHASHTU:

• Arrestohet një person me rrezikshmëri të lartë, 32-vjeçari pjesë e 1 grupi kriminal
• EMRI| Pjesë e organizatës kriminale në Itali, arrestohet i “forti” në Berat