EMRI| Pjesë e organizatës kriminale në Itali, arrestohet i “forti” në Berat

Forcat Operacionale të Tiranës në bashkepunim me komisariatin e policisë në Berat kanë kryer gjatë natës së djeshme një aksion për arrestimin e personave në kërkim.

Burime bëjnë me dije se është arrestuar nje 52 vjeçari Hari Bello (Basko).

52-vjeçari rezulton dënuar në Itali, me rreth 10 vjet burgim, për pjesëmarrje në një organizate kriminale për trafikim të lëndëve narkotike.

Interpol Tirana dhe Interpol Roma po bashkëpunojnë për të kryer ekstradimin e këtij shtetasi

“Në vijim të operacioneve policore për kapjen e shtetasve të shpallur në kërkim, të cilat zhvillohen në kuadër të megaoperacionit “Sundimi i ligjit”, si dhe si rezultat i shkëmbimit të vazhdueshëm të informacioneve ndërmjet Interpol Tiranës dhe Interpol Romës, shërbimet e Drejtorisë së Forcës së Posaçme Operacionale në DPPSH, në bashkëpunim me ato të DVP Berat, finalizuan operacionin policor të koduar “Operacionalja 2”.

Gjatë operacionit, në Berat, u lokalizua, u kap dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar Hari Basko alias Hari Bello, 52 vjeç.

Gjykata e Venecias e ka dënuar këtë shtetas, me 9 vjet, 3 muaj dhe 27 ditë burgim, për veprën penale “Trafikimi i lëndëve narkotike”, kryer në kuadër të organizatës kriminale, sipas parashikimeve të Kodit Penal të Italisë”, thuhet në njoftimin e policisë.

LEXONI GJITHASHTU: 

• Qëlloi me armë drejt një makine, arrestohet punonjësi i policisë, në kërkim i biri
• “Mjeku do ndahej nga gruaja, do martohej me 16-vjeçaren”, avokati: Kurth nga kolegët