Avokati Ndue Pjetra tha në emisionin “Good Morning Albanians”, se mjekut Dervish Hasi i cili akuzohet për abuzim me të miturën 16-vjeçare, tha se ndaj mjekut është ngritur kurth.

Sipas tij kanë qenë kolegët e tij ata që i ngritën kurthin, pasi Hasi ishte ndër mjekët më të mirë. Ai tha gjithashtu se gruaja e parë do ndahej nga Dervish Hasi që ai të mund të martohej me të miturën.

Gjithashtu sipas avokatit, ishte babai i vajzës ai që e çoi vajzën në shtëpinë e kirurgut në mënyrë që ai të arrestohej në flagrancë.

“Me ligjin shqiptar nuk rezulton që Dervish Hasi të ketë shkelur ligjet shqiptare në raport me atë që është e shkruajtur. Për sa kohë nuk ka një ligj që e ndalon bashkëjetesën me të tjera, lejohet. Kushtetuta  e ka shumë të përcaktuar një gjë që nuk ndalohet lejohet.

Në momentin që ka bërë dokumentacionin, Hasi i është drejtuar gjykatës për të bëre zgjidhjen e martesës me gruan e parë dhe për tu martuar më vonë me të. Në momentet që nuk ka vënë akoma kurorë në zyrën civile, ajo quhet bashkëjetesë, jo martesë.

Lidhja me vajzën ka qenë e miratuar nga prindërit e vajzës. Denoncimin e ka bërë babai, vajzën ia ka dhënë vetë babai në mënyrë që ta kapnin, se ndryshe nuk do kishte prova për ta kapur në flagrancë. Ia ka çuar i ati vajzën, me dëshirën e vetë. Atij i kanë ngritur kurth se ishte mjeku më i mirë. Ia kanë ngritur kolegët, por do dalin edhe emrat”,-tha avokati i Dervish Hasit.

LEXONI GJITHASHTU:

• “Jam i pafajshëm”- Kërkoi lirinë në Apel, gjykata lë në burg mjekun Dervish Hasi
• Muzeu i fotografisë ‘Marubi’, rritet 40% numri i vizitorëve në krahasim me 2019-ën