Ekonomisti u vra brenda zyrës, si ndodhi atentatit në Kurbin. Pistat e hetimit

Një i vdekur dhe një i plagosur është bilanci i një atentati me armë zjarri të regjistruar rreth orës 7 të mëngjesit të kësaj të shtune në fshatin Gurëz të Kurbinit.

Objektiv i sulmit me armë ishte pronari i një kompanie inertesh, Ardian Gjeloshi, 51-vjeç. Ky i fundit mbeti i fundit mbeti i plagosur dhe u dërgua me urgjence për ndihmë mjekësore në Spitalin e Traumës ne Tiranë, ndërsa nga breshëria e plumbave mbeti i vdekur ekonomisti i firmës Selman Mihana, 70-vjeç, banues në Malbardhë të Kurbinit.

Gjeloshi mësohet se ka marrë dy plumba në krah dhe brinj dhe ndodhet nën kujdesin e bluzave të bardha jashtë rrezikut për jetën, ndërkohe pista kryesore e hetimeve është përqendruar tek konfliktet qe mund të ketë patur 51-vjeçari.

Larja e hesapeve ose konkurremca apo mosmarrëveshjet për shkak të biznesit janë dy pistat në të cilat po heton grupi hetimor.

Policia e cila mbërrit menjëherë në vendin e ngjarjes administroi çdo prove dhe dëshmi, ndërsa në ndihmë të bluve të Lezhës mbërritën dhe forcat RENEA të cilët po ushtrojnë kontrolle me qëllim identifikimin dhe kapjen e autoreve të cilët mendohet të kenë qenë 2 persona dhe kane lëvizur me një automjet përmes rrugëve dytësore me zonën e Fushë-Kuqes.

Zv. drejtori i krimeve Gentian Berberi deklaroi pas ngjarjes: “Autorët mendohet se kanë lëvizur me një mjet, po hetojmë hetimet, mosmarrëveshjet që ka pasur objektivi, pronari i firmës, i cili fatmirësisht ndodhet jashtë rrezikut për jetën.”

Në vendin e ngjarjes janë gjetur dhe sekuestruar ne cilësinë e provës materiale rreth 20 gëzhoja automatiku, ndërsa po interes pritet kqyrja e kamerave te sigurisë në hyrje të kompanisë të cilat mendohet të kenë filmuar autoret, çka mund te ndihmojnë ne zbardhjen e ngjarjes.

LEXONI GJITHASHTU:

• Shënjestra ishte pronari i kompanisë, si u ekzekutua ekonomisti i firmës në Kurbin
• Një i vdekur e një i plagosur, kush dyshohet se ishte shënjestër e sulmit në Kurbin