Nisma “Fol shqip”, një bashkëbisedim për të mbrojtur dhe dashur gjuhën shqipe

Nisur nga fenomeni shumë i përhapur, i përdorimit të panevojshëm të fjalëve të huaja, jo vetëm në përditshmëri, por edhe në media, Autoriteti i Mediave Audiovizive ka njoftuar një nismë që synon të ndihmojë në frenimin e këtij fenomeni.

Ditën e sotme u zhvillua një tjetër takim me tematike “Fol Shqip’’ mes gjuhëtarëve, gazetarëve, studentëve dhe pedagogëve për ndërgjegjësimin dhe frenimin e dukurisë së përdorimit të fjalëve të huaja të panevojshme në media dhe përditshmëri.

Nisma ka pasur një mbështetje të madhe nga gjuhëtarët të cilët theksojnë se përdorimi i fjalëve të huaja është një dukuri aq e përhapur sa gjendet në kronika, transmetime të drejtpërdrejta e deri te debatet televizive.

Me qëllimin për ta frenuar këtë fenomen, kryetarja e AMA-s ka njoftuar se monitorimi i përdorimit të fjalëve të huaja në radio dhe televizione do të kryhet herë pas here dhe rezultatet do të publikohen në mënyrë që punonjësit e medias të ndërgjegjësohen për ruajtjen e pastërtisë së gjuhës shqipe.

LEXONI GJITHASHTU:

• Shqiptarët nuk bëjnë pushime/ 51% e tyre s’kanë udhëtuar, shkak paratë dhe shëndeti
• Pas SHBA e BE, propozohet në Komisionin e Integrimit ndalimi i Tik Tok në Shqipëri