Pas SHBA e BE, propozohet në Komisionin e Integrimit ndalimi i Tik Tok në Shqipëri

Pas Shteteve të Bashkuara të Amerikës dhe BE-së edhe Shqperia mund të ndalojë përdorimin e aplikacionit Tik Tok në pajisjet zyrtare. Kreu i deputetëve të PS, Tulant Balla, e cilësoi këtë aplikacion si një kërcënim për sigurinë e vendit.

“Të ndalohet përdorimi i rrjetit social Tik Tok, në institucionet pulike”, ky ka qënë propozimi i kreut të grupit socialist, Taulant Balla, në Komisionin e Integrimit Europian duke e cilësuar si një rrezik të madh për sigurinë, që vjen nga Kina.

“Unë bëj pjesë në ato politikbërës europianë që Tik-Tok është rrezik për sigurinë në hapësirën tonë euroatlantike. I bashkohem çdo kongresmeni dhe senatori amerikan, por dhe vendimit të fundit të BE-së për të ndaluar përdorimin e këtij aplikacioni në paisjet zyrtare në të treja nivelet. Mendoj që dhe Shqipëria duhet ta hedhë këtë hap të njehësimit të qasjes së saj të paktën në paisjet e përdorimit zyrtar dhe ju e dini fare mirë që SHBA-të kanë shkuar përtej, në këtë qasje, me dyshimet se pas aplikacionit Tik-Tok fshihet Partia Komuniste kineze dhe se të dhënat personale që qarkullojnë përmes këtij aplikacioni janë sot në rrezik eminent”

Gjatë fjalës së tij, ku u diskutua projektligji për median audiovizive,  Balla tha se Shqipëria duhet të forcojë sigurinë për të dhënat personale që shfrytëzohen nga këto platforma të rrjeteve sociale.

“AMA nuk rregullon, miraton rregullore që platformat vetërregullohen. Flas këtu për Metën, Tëitter, Netflix, YouTube. Ajo që Shqipëria duhet të bëjë. Ne të ndjekim modelet e rregullatorëve europianë. Në këtë aspekt, do duhet që dhe ne të forcojmë gjithë barrierat, digat, për të ndaluar abuzimin me këto të dhëna personale qe shfrytëzohen nga keto platforma, përfshire ketu edhe punen e mire qe po behet me këte ndërhyrje te sotme ligjore’, tha Balla.

Disa vende perëndimore, veçanërisht SHBA-ja dhe institucionet e Bashkimit Evropian vendosën të ndalojnë përdorimin e TikTok-ut në pajisjet e përdorura nga punonjësit zyrtarë për punë.

LEXONI GJITHASHTU:

• Franca ndalon përdorimin e ‘Tik Tok’ për 2.5 mln zyrtarë
• Pas SHBA-ve, edhe Britania gati të ndalojë Tik Tok-un