Çfarë do t’i japë Tirana Zelenskit? Eksperti zbulon të vërtetën

Në dy ditët e fundit të muajit shkurt, Tirana do të jetë mikpritëse e dy samiteve. I pari do të mbahet të mërkurën e 28 shkurtit ku për herë të parë në vendin tonë do të organizohet një samit dedikuar Ukrainës, ku prezent do të jetë edhe vetë presidenti Volodimir Zelenksy.

Eksperti i çështjeve ndërkombëtare Kreshnik Osmani tha në një intervistë për Euronews Albania se zgjedhja e Tiranës për këtë samit është një simbolikë e zgjedhur nga Perëndimi, SHBA dhe NATO për t’i treguar Rusisë se Ballkanin Perëndimor nuk mund ta ketë.

Sipas tij, është zgjedhur pikërisht Tirana për ta përcjellë këtë mesazh, duke qenë se Shqipëria është aktualisht i vetmi vend në Ballkanin Perëndimor që nuk po luan me dy porta.

“Rrezikun i madh i Perëndimit nuk është Rusia, është Kina. Stoltenberg tha një ditë më parë; i themi sot Putinit që dyert e NATO janë  të hapura dhe Ukraina është më pranë se kurrë anëtarësimit në NATO.  Samiti në Tiranë është lojë gjeopolitike ku perëndimi vë edhe një gur ndaj Rusisë për t’i treguar se Ballkanin Perëndimor e kemi ne. Vizita e Zelenskit e sjell në vëmendje të botës Tiranën në 24 orë; Zelenski do armë dhe para, dhe ne nuk kemi asnjë nga këto. E  gjitha është një vizitë simbolike e kërkuar nga SHBA për Shqipërinë si lojtari më i besueshëm në  Ballkanin Perëndimor. Samiti bëhet në Tiranë për të treguar se Tirana nuk po luan hapur dyshe”, tha eksperti.

LEXONI GJITHASHTU:

• Zelensky në Tiranë| Nga Vuçiç te Erdogan, të pranishmit dhe fokusi i diskutimeve
• Zelensky: 31 mijë ushtarë ukrainas u vranë, shpresoj për samit të paqes së shpejti