Amnistia penale, Alibeaj: Jemi dakord që të përfshihen të gjithë protestuesit

Deputeti i Partisë Demokratike Enkelejd Alibeaj tha në deklaratë për mediat se, PD mirëpret tërheqjen e mazhorancës nga mospërfshirja në amnisti e të dënuarve për korrupsion nga GJKKO.

Alibeaj deklaroi se PD jep dakordësinë që në amnisti të përfshihen të gjithë protestuesit, pavarësisht kohës dhe periudhës në të cilën kanë protestuar.

“Partia Demokratike e Shqipërisë nuk kërkon pazar dhe nuk do gjë të votohen ligje tinëzisht dhe fshehurazi, por gjithçka do ta bëjë në transparencë të plotë, ku të prevalojë interesi i publikut. Ne e mirëpresim tërheqjen e mazhorancës nga mospërfshirja e të dënuarve për korrupsion nga GJKKO, duke qenë kjo një mbështetje e pakushtëzuar për institucionet e SPAK-ut dhe të GJKKO-së, dhe japim dakordësinë tonë që në amnisti të përfshihen të gjithë protestuesit, pavarësisht kohës dhe periudhës në të cilën kanë protestuar”, tha Alibeaj.