Shkatërrimi i avionit më të madh në botë, 2 burra përballen me 15 vite burg

Dy burra përballen me 15 vjet burg për shkatërrimin e avionit më të madh në botë, ka thënë Shërbimi i Sigurisë i Ukrainës.

Sipas mediave të huaja, ish-drejtori i përgjithshëm i kompanisë ukrainase të prodhimit të avionëve Antonov dhe ish-shefi i departamentit të sigurisë së aviacionit janë lënë në paraburgim si pjesë e hetimit, shtoi ai.

Avioni AN-225 Mriya u shkatërrua nga forcat ruse gjatë betejës për Aeroportin Hostomel më 27 shkurt 2022.

Shërbimi i sigurisë kishte hetuar sulmin që atëherë dhe ka thënë sot se ka mbledhur “prova të padiskutueshme” që tregojnë përfshirjen e të dyshuarve.

Ai pretendoi se dy burrat ndaluan ushtarakët ukrainas të hynin në Aeroportin Hostomel për t’u “përgatitur për mbrojtjen e tij” në prag të pushtimit rus.

“Veprimet kriminale të autorëve çuan në kapjen e përkohshme të një aeroporti të rëndësishëm strategjik gjatë betejave për Kievin dhe shkatërrimin e avionit AN-225 Mriya,” tha ai.

“Zyrtarët urdhëruan të bllokonin hyrjen e ushtrisë ukrainase në territorin e objektit”.

LEXONI GJITHASHTU:

• Italia del kundër idesë për dërgimin e trupave në Ukrainë
• Kritikoi luftën në Ukrainë, fituesi i Nobelit dënohet me 2 vite e gjysmë burg