Samiti i ministrave të Jashtëm të BE-së, Borrell: Rusia dhe Turqia çështjet kryesore të diskutimeve

Marrëdhëniet e Bashkimit Evropian me Rusinë dhe Turqinë janë ndër çështjet kryesore që do të diskutohen në Samitin e Ministrave të Jashtëm të BE-së.

Fillimisht në axhendë ishin të përfshira dhe vendet e Ballkanit Perëndimor, por mesa duket fokusi i këtij samiti dy ditor do të jenë çështje me emergjente për vendet anëtare.

“Në axhendë kemi kryesisht marrëdhënien me Rusinë, e cila do të diskutohet edhe në Këshillin Evropian gjatë kësaj jave. Kemi përgatitur një raport i cili është publikuar gjatë ditës së djeshme dhe ministrat do të njihen me këtë raport në mënyrë që të përgatisim Këshillin e Bashkimit Evropian. Kështu që Turqia është çështja e parë në axhendë, por në axhendë kemi gjithashtu fqinjët tanë jugorë dhe Rusinë,” – tha Borrell.

Ministrat e jashtëm të 27 vendeve anëtare të BE-së kanë miratuar sanksione të reja kundër 11 individëve dhe 4 antiteteve, duke përfshirë dhe ato nga Rusia dhe Kina, të cilat, sipas komunitetit, janë të përfshirë në dhunimin e të drejtave të njeriut.