U plagos në shpërthimin në Lushnjë, mjeku: Si është gjendja e deputetit Çela

Deputeti i PS-së, Bujar Çela, i cili mbeti i plagosur pas shpërthimit në një magazinë në Lushnjë ndodhet në Spitalin e Traumës në Tiranë dhe aktualisht po i nënshtrohet një ndërhyrje kirurgjikale.

Lajmin e bëri të ditur Shefi i Urgjencës së Traumës në Tiranë, Gjovalin Bushi, përmes një deklarate për mediat.

Ai tha gjithashtu se Çela është në gjendje stabile për momentin dhe ndërhyrja kirurgjikale do të zgjasë në kohë, pasi sipas tij, deputeti ka dëmtime dhe pjesë metalike në pjesën e barkut.

Mjeku i Spitalit të Traumës tha se deputeti është rigzaminuar dhe është futur në sallë, pas disa dëmtimeve në pjesën e barkut. Mjekët thanë se deputeti është në gjendje stabël dhe se ndërhyrja do të kërkojë kohë. Nga të dhënat, mësohet se deputeti ka politraumë.

“Deputeti ka ardhur përafërsisht para një ore dhe është intervenuar në kirurgjinë e Lushnjës, kanë parë dëmtime të mëdha dhe i kanë dhënë ndihmë primare atje.

Këtu e riekzaminuam dhe tani sapo u fut në sallë. Ka dëmtime te barku, ka edhe brenda në abdome.

Ka skërçe në pjesët nga brenda. Si gjendje deputeti që nga momenti që erdhi dhe tani është stabël. Ka shumë dëmtime dhe do të jetë një ndërhyrje pak e gjatë që mund të zgjasë shumë në kohë”, tha shefi i Urgjencës së Traumës, Gjovalin Bushi.

LEXONI GJITHASHTU:

• Shpërthimi me viktima e të plagosur, banori: U tronditën edhe dyert e shtëpive
• Brataj për shpërthimin: Një prej të plagosurve, në intubim për shkak të djegieve