Një shpërthim në një kapanon tronditi ditën e sotme qytetin e Lushnjës dhe la pas deri më tani 2 viktima dhe 8 të plagosur, mes të cilëve edhe deputetin e PS-së, Bujar Çela.

Një banor i zonës tregoi për Euronews Albania detaje lidhur me ngjarjen, ku tha se shpërthimi ka qenë shumë i fuqishëm, aq sa janë tronditur dyert dhe dritaret e banesave të zonës.

Ai tha gjithashtu se banorët e tjerë të zonës janë trembur nga shpërthimi.

Kujtojmë se të plagosurit nga incidenti ndodhen në gjendje të rëndë shëndetësore dhe 4 prej tyre janë transportuar drejt spitalit të Traumës në Tiranë.

“Ka qenë një tronditje shumë e fortë, janë tronditur të gjitha dyert e shtëpisë, njerëzit janë trembur. Shtëpia ime mund të jetë 100 metra larg prej këtu. Nuk e njihja biznesin se çfarë tregtohej këtu. Po bëhej ndërtim i ri. Mos të gaboj, biznesit më duket se e ka Bujar Çela”, tha banori i zonës.