“Të hapet shkolla e aviacionit”- Ish-pilotët përloten në bazën e Kuçovës

Baza ushtarake e NATO-s në Kuçovë u inagurua këtë të hënë me një ceremoni ku morën pjesë krerët më të lartë të shtetit, por dhe zyrtarë të NATO-s e diplomatë.

Gazetari i Euronews Albania, Andrea Danglli, solli dhe përjetimet e ish-pilotëve shqiptarë, tashmë në pension, të cilët ishin të pranishëm në aktivitet.

Ish-pilotët apeluan që të hapet shkolla e aviacionit, e cila ka nxjerrë dikur pilotë shumë të mirë, të përgatitur dhe për luftë.

“Qeveria të hapë shkollën e aviacionit, pasi ajo ka qenë fidanishtja e gjithë aviacionit shqiptar. Aty kanë dalë pilotë jashtëzakonisht të mirë që kanë treguar veten e tyre në të gjitha situatat ajrore. Ne ishim të përgatitur për luftë pavarësisht se nuk kishte luftë”, tha piloti.

Ndërkohë që një tjetër ish-pilot rrefeu mes emocionesh 40 vitet e punës në aviacion.

“Jemi shumë të emocionuar, pasi kemi punuar një jetë të tërë në aviacion, për 40 vjet me radhë. Unë kam punuar në bazën e riparimit kapitaltë avionave të gjithë parkut të Shqipërisë, me githë punëtorët që kanë qenë specialistë të veçantë. Që të punosh në teknikën e aviacionit është një mrekulli, ku duhet mençuri dhe korrektësi në çdo drejtim. Aktualisht baza e riparimit nuk funksion më që kur dolën jashtë përdorimit avionat. Ajo bazë ka qenë ndër më të mirat në Evropë”, tha ish-piloti.

Ndërkohë që një tjetër ish piloti u shpreh: “Është emocion jashtëzakonisht i madh. Kam disa vite që kam ikur pasi banoj në Tiranë. Kam shërbyer 32-vite në këtë aerodrom është një gjë e madhe. Mosha bën të sajën dhe skam më mundësi të pilotoj”.

LEXONI GJITHASHTU:

• Hapja e Bazës së Kuçovës, Rama: Element sigurie për Ballkanin, dikur i shërbente BS
• Wisner nga baza e Kuçovës: Përgëzoj bashkëpunimin e Shqipërisë me NATO-n
• Hapet baza e Kuçovës, Peleshi: Erdhi koha që të ndihet jehona e avionëve të NATO-s