U qëllua me plumb në kokë nga vëllai i tij, humb jetën në spital 54-vjeçari (Emri)

Ka ndërruar jetë në spital, 54 vjeçari, Haziz Musai, i cili qëllua me një plumb në kokë nga vëllai i tij, Nazif Musai, 77 vjeç pas një konflikti për motive pronësie.

Ngjarja ka ndodhur rreth orës 08:00, në fshatin Qukas i Vjetër në Lushnjë.

Ka qenë Haziz Musai ai i cili ka sulmuar fillimisht me sëpatë vëllain 77-vjeçar Nazif Musai, ndërsaky i fundit e ka qëlluar me plumb në kokë.

Njoftimi i policisë:

Rreth orës 08:00, në fshatin Qukas i Vjetër, dyshohet se për shkak të konflikteve për motive pronësie, shtetasi H. M. ka goditur me mjet prerës (sopatë), vëllanë e tij, shtetasin N. M., rreth 77 vjeç, ndërsa ky i fundit ka plagosur shtetasin H. M., me armë zjarri pistoletë.