“Cikli ynë i qeverisjes i pambyllur”, Rama në Lushnjë për anëtarësimet e reja në PS

Kryeministri Edi Rama ishte sot në Lushnje për anëtarësimet e reja në Partinë Socialiste.

Rama deklaroi se ky proces do të shtrihet në të gjithë vendin, si domosdoshmëri që Partia Socialiste të hapet dhe të ripërtërihet.

“Cikli ynë i qeverisjes është një cikël i pambyllur, që do të thotë që të gjithë kantieret e reformave janë kantiere të pambyllura, që do të thotë që për të garantuar mbylljen e tyre me sukses, ne duhet të bëjmë ç’mos që të arrijmë objektivat strategjik të vizionit të Shqipërisë 2030. Unë kam besuar qysh kur kam filluar ta njoh nga brenda Partinë Socialiste dhe ta shkel të gjithë territorin dhe të shoh hap pas hapi dhe rezultatet, që nuk ka asnjë qendër votimi në Republikën e Shqipërisë që Partia Socialist nuk fiton dot, nuk ekziston. Ama është pak por e sigurt që ne kemi një potencial shumë më të madh se sa rezultatet, qoftë në aspektin e fushave të zhvillimit të vendit, kemi një potencial shumë më të madh se rezultatet në ekonomi, pavarësisht se sot pa diskutim ekonomia është më mirë se sa ka qenë ndonjëherë, por ama nuk është aq mirë sa, ne duhet ta bëjmë që të jetë. Pa folur për drejtësinë që nuk diskutohet, ka hyrë në një fazë të re, por është një fazë e re embrionale që duhet garantuar”, tha Rama mes të tjerash.

LEXONI GJITHASHTU:

• Të shtunën Rama mbledh në Shkodër kabinetin qeveritar dhe kryebashkiakët
• Rama ndan pamjet nga montimi i dronëve Bayraktar: Do fluturojnë në bazën e Kuçovës