“Vjen era myk komunizmi”, Eksperti: Skandaloz njoftimi për muzeun

Muzeu Historik Kombëtar do të mbyllet për 4 vite. Institucioni më i rëndësishëm kulturor dhe një ndër destinacionet kryesore të një turisti që prek Tiranën do të ulë qepenin nga ky 15 mars deri në 15 mars in e vitit 2028.

Në llogarinë zyrtare në Facebook të Muzeut thuhet se arsye për mbylljen është rikonstruksioni, por pa dhënë sqarime të tjera.

Aktivisti Andi Tepelena tha në emisionin Review në Euronews Albania se përtej çështjes së restaurimit, shqetësim është si do të konceptohet çështja e historisë në muzeun kombëtar. Sipas tij, Akademia e Shkencave që pritet të rishkruajë historinë është akoma e pa dekomunistizuar.

“Shqetësimi im kryesore është si do konceptohet çështja e historisë, kemi një vakum historik pas Skënderbeut, s’e dimë çfarë ka ndodhur pas vdekjes së Skënderbeut deri në kohën e Ali Pashës, janë 300 vjet vakum. Akoma jemi shtet që nuk kemi fletën origjinale të deklaratës së pavarësisë. Si do trajtohet periudha e komunizmit. Akademia e Shkencave vjen akoma era myk komunizmi dhe merret me rishkrimin e historisë. Nuk bëhet fjalë vetëm për restaurimin e godinës, por çfarë do ndodhë me historinë, e gjithë historia e Shqipërisë do përqendrohet në muzeun kombëtar, ndërkohë muzetë rajonale janë për faqe të zezë”, tha ai.

LEXONI GJITHASHTU:

• Mbyllja e Muzeut Kombëtar, Isufi: Kemenaxhim, të informoheshin grupet e interesit
• “1.5 mln dollarë u bënë rrush e kumbulla”, Ceka: Jam dëshmitar i dështimeve!