Fotoja e Radoiçiç me Gjuriç, avokati: Mund të fshiheshin, pse dolën publikisht

Avokati Tom Gashi, ishte i ftuar këtë të hënë në Euronews Albania ku komentoi foton e ish-të dërguarit për Kosovën, Marko Gjuriç, në restorant me Milan Radoiçiç.

Gashi tha se ishte politikani Nikola Sanduloviç ai i cili bëri publike foton.

Sipas Gashit, dalja në publik së bashku e Radoiçiç dhe Gjuriç ishte një mesazh për të treguar se ata janë bashkë.

Avokati nënvizoi se në foto mungonte vetëm presidenti Vuçiç i cili është dhe “shefi” i të dyve.

“Kjo foto është bërë publike nga një politikan i një partie të vogël në Serbi, Nikola Sanduloviç, i cili u rrah pothuajse për vdekje kur vizitoi varrezat e Jasharëve dhe u përkul përball varrit të 7-vjeçares, Blerina Jashari. Ky ishte në thonjëza mëkati i tij. Kur u kthye në Serbi, ai u mor pas një farë kohe dhe u dhunua nga shërbimi sekret BIA. Sanduloviç e ka bërë publike foton e ish-të dërguarit për Kosovën Marko Gjuriç dhe kjo fotografi ka qenë në ambiente të hapura publike dhe kjo ka qenë e qëllimshme. Këta kanë dalë aty në restorant për t’u parë dhe jo për t’u fshehur. Zyrtarët e Serbisë kanë zyra mjaftueshëm për ta mbajtur sekret takimin, por ishte tentativë e përkuljes së Gjuriçirt ndaj Radoiçiçit, ose e kundërta. Mesazhi ishte që ata janë bashkë”, tha Gashi.

LEXONI GJITHASHTU: 

• Qëndrimi i SHBA i qartë, Hovenier reagon ashpër ndaj takimit Gjuriç-Radioçiç
• Foto e Marko Gjuriç/ Vuçiç mbron Radioçiç, sulmon Adem Jasharin