“Vajza me karafil”, aktorët e rinj në Gjirokastër vendosin në skenë dramën

Aktorët e rinj në Gjirokastër kanë vendosur në skenën e teatrit ” Zihni Sako” dramën e titulluar “Vajza me karafil”.

Kjo dramë trajton problematika të jetës rinore bazuar mbi motivin e dashurisë. Artdashësit duartrokitën interpretimin e të rinjve.

“Është një tematikë e vjetër për ditët e sotme moderne por që ju rikthehemi përsëri këtyre temave sepse janë domethënëse, duam të mbjellim dashurinë, paqen, tolerancën mirëkuptimin edhe në kohë të vështira siç ishin kohët e luftës prej nga e mori subjektin kjo melodramë”, Oderina Ndreu, regjisore.

Të rinjtë disa prej të cilëve ngjiteshin për herë të parë në skenën e teatrit shprehën emocionet dhe dëshirën për të vazhduar profesionin e bukur të aktorit.

“Emocionet ishin vërtet të mëdha, kjo ishte një shfaqje e disajtë për mua por që emocionet janë gjithmonë e më të mëdha, një pjesë tepër e bukur më pëlqeu shumë dhe do të doja që të vazhdonim gjithmonë me këto pjesë”, tha një prej të intervistuarve.

“Unë ja dola që të bëj një shfaqje për të rritur, është emocion  shumë i madh në fillim që themi që nuk do ta bëjmë por që unë e realizova ëndërrën time dhe e përjetova atë emocion shumë bukur edhe uroj që në të ardhmen çdo nxënës, çdo person që do të bëhet aktor të ketë vullnetin që ta realizojë ëndrrën e tij”, tha një vajzë.

Përgjatë këtij viti në skenën e teatrit të Gjirokastrës janë vendosur disa shfaqje duke përfshirë edhe ato për fëmijë dhe të rinj, të cilat janë ndjekuf me interes nga publiku.

LEXONI GJITHASHTU:

• Rita Gjeka thirrje për një teatër të dytë: Nuk na del një, shfaqjet janë të shpeshta
• Sezon i ri artistik në teatër me të njëjtin buxhet, shfaqje për të gjitha moshat