Tetë viktima dhe 449 raste të reja me COVID-19 në 24 orët e fundit

Tetë persona të moshës 35-74 vjeç kanë humbur jetën ndërsa gjatë 24 orëve të fundit janë regjistruar 449 raste të reja pozitive.

Vendi ynë po njeh një trend në ulje të rasteve të reja në një kohë kur vendet e rajonit si Kosova dhe Maqedonia e Veriut po njohin rritje të konsiderueshme.

Ndonëse kemi një rënie të numrit të rasteve, Ministria e Shëndetësisë bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID-19.

Aktualisht në spitalet COVID në Tiranë dhe tre spitalet rajonale po trajtohen 343 pacientë, 18 në terapi intensive, nga të cilët 10 pacientë janë të intubuar.

Gjatë ditës së sotme janë kryer 2900 vaksinime anti-Covid dhe që nga fillimi i vaksinimit janë kryer 62,248 vaksinime për personelin shëndetësor, të moshuarit dhe mësuesit.

Vetëm pak ditë më parë, qeveria shqiptare ka arritur marrëveshje për blerjen e 1 milion dozave të vaksinës kineze “Sinovac”.

Deri tani në vendin tonë kanë ardhur 192 mijë doza dhe prej kësaj fundjave pritet të nisë vaksinimi masiv për personat mbi moshën 70 vjeç.

Statistika (26 Mars 2021)

Testime totale           545,244
Raste pozitive           123,216
Raste të shëruara        88,349
Raste Aktive               32,675
Humbje jete                  2192

Shpërndarja gjeografike e rasteve aktive sipas qarqeve:
Tiranë              22357
Fier                  2592
Durrës             1386
Vlorë               1272
Shkodër           1217
Gjirokastër      1250
Korçë              774
Lezhë              549
Elbasan           427
Kukës              355
Dibër               322
Berat               174