Katër ditë pas rënies së zjarrit, nxirret trupi i 32-vjeçarit te “Casa Italia”

Katër ditë pas rënies së zjarrit në magazinat e qendrës tregtare “Casa Italia”, punonjësit e zjarrfikëses kanë arritur të nxjerrin trupin e pajetë të Arjan Salës.

32-vjeçari që ishte pjesë e kompanisë së sigurisë prej tre vitesh, mbeti i bllokuar pasi flakët dolën jashtë kontrollit.

Babai i një fëmije 2 vjeç sipas kolegëve ka arritur të shpëtojë punonjësit e tjerë por në tentativë për të shuar zjarrin mbeti i bllokuar në magazinë.

Trupi mësohet se është rreth orës 03:00 të së shtunës ndërsa grupi hetimor vijon punën për sqarimin e plotë e rrethanave të ngjarjes pasi ende nuk dihet shkaku i rënies së zjarrit.

Magazinat në qendrën tregtare “Casa Italia” u përfshinë nga zjarrin në orët e para të së mërkurës, ndërsa trupi i të riut është gjetur mëngjesin e së shtunës.

Familjarët e Arjan Salës në hidhërim të thellë kanë shprehur kritika për shërbimin e zjarrfikëses.

Sipas tyre për shkak të mungesës së pajisjeve dhe pa përgatitjes për një situatë të tillë, ata nuk kanë mundur që ta shpëtojnë 32-vjeçarin edhe pse vatra e zjarrit nuk ka pasur përmasa të mëdha fillimisht.

Komandanti i Zjarrfikëses, Ilir Xhanari përballë familjarëve aprovoi vërejtjet se shërbimi zjarrfikës ka nevojë për pajisje dhe mjete bashkëkohore.

Lexoni gjithashtu:

Heroi i tragjedisë tek “Casa Italia”, 33-vjeçari shpëtoi kolegët por s’mundi të dalë vetë