Vrasja e shqiptarit në Islandë, zbulohet autori i dyshuar

Policia e Islandës ka arritur të identifikoi autorin e dyshuar për vrasjen e Armando Beqirit, i ekzekutuar në shkurt të këtij viti.

Mediat vendase raportojnë se personi i dyshuar për vrasjen e 33-vjeçarit nga Tepelena është një shqiptar i quajtur, Agjelin Sterkaj.

35-vjeçari Sterkaj u arrestua tri ditë pas vrasjes së Beqirit dhe pritet që shumë shpejt t’i komunikohet akuza pavarësisht se deri tani ai nuk e ka pranuar një gjë të tillë.

Por, autoritetet thonë se kanë provat të mjaftueshme për ta vendosur me shpatulla pas muri të riun nga Shkodra.

Mediat lokale në Islandë shkruajnë se i dyshuarit është regjistruar si Angjelin Sterkaj ndërsa në rrjetet sociale ai e quan veten Angjelin Mark Sterkaj. Ai ka jetuar në Islandë për rreth 7 vjet.

Armando Beqiri drejtonte një kompani sigurie me disa bashkatdhetarë të tij. Policia ka arritur të zbulojë armën e krimit që është një pistoletë me silenciator.

Policia po heton për bashkëpunëtorë pasi besohet se ngjarja është një vrasje e planifikuar paraprakisht.

Dyshimet kryesore janë se vrasja ka ardhur për shkak të armiqësive që ishin krijuar mes dy të rinjve që lidhen me botën e krimit.