Lindi foshnjën në shtëpi e më pas e hodhi në lumë, arrestohet 42-vjeçarja nga Kruja

Një 42-vjeçare është arrestuar nga policia e Krujës pasi ka hedhur në lumë foshnjën e vet të porsalindur.

“Specialistët për Hetimin e Krimeve të Komisariatit të Policisë Krujë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ndaluan shtetasen L. K., 42 vjeçe, banuese në Tapizë, për veprën penale “Vrasja e foshnjes””, bëri me dije policia.

Kjo shtetase, ditën e sotme, rreth orëve të mëngjesit, dyshohet se pasi ka lindur foshnjën në ambientet e banesës së saj, duke pretenduar se ka lindur e vdekur, e ka futur në një qese dhe më pas e ka hedhur në bregun e lumit të Tapizës.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Ekzekutimi i Bejtjas/ Shefi i policisë së Fushë-Krujës: Brenda makinës gjetëm 4 armë
• Banorë e biznese të Krujës sërish në protestë, duan akses në aksin Thumanë-Kashar