Bota me ajër të ndotur, në Shqipëri grimcat e imëta 3 herë më lartë se norma e OBSH

Ajri që thithim çdo ditë po përkeqësohet nga viti në vit.

Raporti për cilësinë e ajrit në vitin 2023 e rendit Shqipërinë në vendin e 7-të në Europë për nivelin e lartë të ndotjes së ajrit, ndërsa në botë renditet e 60-ta.

Përqëndrimi mesatar vjetor i grimcave të imta apo PM2.5 është 16.7 mikrogramë për metër kub, shifër kjo trefish më e lartë nga kufiri I vendosur nga Organizata Botërore e Shëndetësisë, që nuk duhet të kalojnë 5 mikrogramë për metër kub.

Edhe vendet e rajonit nuk paraqiten më mire.

Bosnjë-Hercegovina, Maqedonia e Veriut, Mali i Zi dhe Serbia kryesojnë listën si vendet më të ndotura në Europë. Kosova renditet në vendin e 17-të.

Vetëm 9% e 7812 qyteteve të marra në studim plotësonin standardin e OBSH-së, mes të cilëve ishin Australia, Estonia, Finlanda, apo Zeilanda e Re.

Ekspertët e shëndetësisë botërore thonë se ndotja e ajrit është kërcënimi më i madh mjedisor për shëndetin e njeriut, duke shkaktuar një në çdo nëntë vdekje në mbarë botën.

Ata raportojnë se ndotja e ajrit është përgjegjëse për rreth 7 milionë vdekje të parakohshme në botë çdo vit, ndërsa shumë sëmundje përkeqësohen prej tij.

LEXONI GJITHASHTU:

• Shqetësuese sasia e grimcave plastike në trupat e foshnjave, zbulon studimi
• Ndotja e ajrit ishte “përgjegjëse për më shumë se 250.000 vdekje” në Evropë