7 statistika domethënëse për ndeshjen Shqipëri-Angli

Shqipëria pret të dielën Anglinë në ndeshjen e dytë të vlefshme për kualifikueset e botërorit “Katar 2022”.

Kuqezinjtë e Edoardo Rejas kërkojnë të marrin maksimumin, pavarësisht se kundërshtari është i niveleve të larta. Synimi është që të merret së paku një pikë.

Për Shqipërinë kjo nuk do të jetë ndeshja e parë kundër të ashtuquajturve “Tre Luanët” dhe më poshtë vijnë të paktën 7 statistika domethënëse që duhen pasur parasysh për ndeshjen e së dielës.

1. Shqipëria gëzon formën më të mirë të dhjetëvjeçarit duke regjistruar 4 fitore radhazi – gjë që nuk ndodhte prej gushtit 2010 – mirëpo asnjëherë ajo nuk ka fituar 5 ndeshje rresht.
2. Përballja me Anglinë do të jetë ndeshja e pestë në histori pas atyre të luajtura për kualifikueset e botërorit 1990 dhe 2002.
3. Ndeshja e së dielës përkon fiks me atë të 20 vite më parë kur më 28 mars 2001 Shqipëria mundej 3-1 në stadiumin kombëtar, që asokohe mbante emrin “Qemal Stafa”.
4. Në katër ndeshjet e shkuara me Anglinë, Shqipëria ka pësuar 12 gola dhe ka shënuar vetëm një herë me anë të Altin Rrakllit në ndeshjen e 20 viteve më parë.
5. Kualifikueset e botërorit të shkuar – Rusi 2018 –  Shqipëria i nisi me dy fitore, ku e para ishte gjithashtu me një rezultat 1-0 ndaj Andorrës.
6. Anglia është e pamposhtur prej 22 ndeshjesh radhazi dhe ka humbur vetëm dy nga 29 ndeshjet në transfertë të kualifikueseve të botërorëve, humbje që kanë ndodhur në vitet e largëta 2009 – Ukraina – dhe 2005 – Irlanda e Veriut.
7. Në 9 kualifikueset e fundit Anglia ka realizuar 42 gola. Në përballjen me San Marinon ata fituan 5-0.

Lexoni gjithashtu:

Shqetësime për trajnerin Reja, mbrojtësi Kumbulla do të mungojë ndaj Anglisë