Vodhi banesën e të moshuarës dhe tentoi të vidhte 3 të tjera, arrestohet 21-vjeçari

Një 21-vjeçar nga Kamza është arrestuar nga policia pasi në muajin mars vodhi në banesën e një të moshuare dhe tentoi të vidhte në 3 banesa të tjera.

Efektivët e Komisariatit të Policisë Lushnjë vunë në pranga shtetasin A. Ç., 21 vjeç, banues në Kamëz, Tiranë.

Ai u kap në flagrancë gjatë tentativës për të vjedhur në banesën e shtetasit A. K., në Lushnjë.

Gjithashtu, nga hetimet dyshohet se 21-vjeçari, gjatë muajit mars 2024, ka vjedhur produkte ushqimore në banesën e një 68-vjeçareje, si dhe ka tentuar të vjedhë në 2 banesa të tjera në fshatrat Gramsh dhe Golem, Lushnjë.

Punohet për të zbardhur vjedhje të tjera që mund të ketë kryer shtetasi A. Ç..

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

LEXONI GJITHASHTU:

• Arrestohet Jorgo Goro, kryebashkiaku në detyrë i Himarës
• Vrau 27-vjeçarin shqiptar në Londër, arrestohet autori i dyshuar (Emri)