Reshje dhe luhatje temperaturash, parashikimi i motit për këtë javë

Meteorologu Hakil Osmani në një lidhje të drejtpërdrejt për emisionin “Good Morning Albanians” në Euronews ka treguar se si do të jetë moti për këtë javë.

Ai theksoi se sot moti do të jetë i kthjellët ndërsa shtoi se do të ketë reshje sërish ditën e nesërme.

“Ditën e sotme  do të sjellë përmirësime të përkohshme të kushteve të motit, por sërish dita e martë do të sjellë reshje të shiut dhe pritet që  të kemi herë pas here dhe rrebeshe”-tha ai.

Sipas tij dita e mërkurë dhe e enjte do të ketë kthjellime të vranësirave të cilat do të gjenerojnë reshje shiu.

Në veri-perëndim do të ketë reshje shiu dhe rrebeshe.

Ai nënvizoi se përsa i përket temperaturave të ajrit. Deri ditën e mërkurë, pritet që të ketë luhatje të tyre.

“Ditën e sotme do të shkojnë jo më shumë se 19 gradë celsius, ndërsa dita e martë  do të sjellë një rënie më të ndjeshme të temperaturave të ajrit duke bërë që vlerat minimale të zbresin në -1 apo -2 gradë celsius.  Dita e mërkurë do të sjellë një rritje të temperaturave”-përfundoi ai.

LEXONI GJITHASHTU: 

• Burg vetëm në fundjavë/ Ndryshimet në Kodin Penal, zbardhen disa nga propozimet
• Banorët e 3 fshatrave të izoluar në Kuçovë, banorët: Kalojmë në urë të shkatërruar