34 vjet më parë në Wembley, nostalgjia e Zmijanit. Kujton golin e Demollarit dhe një këshillë për Rejan

Për Hysen Zmijanin, një nga ish-futbollistët më të njohur shkodranë, por dhe të kombëtares shqiptare, ndeshja me përfaqësuesen angleze, e ka rikthyer pas në kohë në takimin e luajtur në Wembli. Zmijani nuk e fsheh që goli i anuluar i Demollarit ende ka ngelur peng.

“Është diçka mitike, kur kemi shkuar atje ka qenë një ëndërr e jashtëzakonshme. Po t’i pyesje anglezët pse u anulua ai gol nuk i jepnin dot shpjegim. Shqipëria se kishte atë forcë për të kundërshtuar, por sot gjërat kanë ndryshuar”, shprehet Zmijani.

Sipas tij, tani shumë gjëra kanë ndryshuar dhe shumica e lojtarëve luajnë në shtete të tjera gjë që ka ndikuar që niveli i skuadrës të rritet ndjeshëm. Kjo ndeshje për të, është një mundësi që lojtarët të shkruajnë historinë ndonëse nuk është aspak e lehtë.

Nga ana taktike ka në bagazh të jashtëzakonshëm, por kur thotë që me Anglinë do të luajmë të hapur, kam frikë se e kemi të vështirë”, thotë ish-futbollisti.