Arrestohen 2 komisionerë në Kosovë, dyshohen për manipulim të votave

Arrestohen 2 komisionerë në Kosovë pas dyshimeve për manipulim të votave në qendrën e numërimit dhe rezultateve.

Policia e Kosovës ka njoftuar se dy persona me iniciale A.K dhe S.M, janë prangosur një ditë më parë me urdhër të prokurorisë.

Ky aksion vjen pas raportimeve në media dhe pas akuzave nga kandidatë të ndryshëm për deputetë se ka pasur vjedhje votash brenda partive.

Në qendrën e numërimit të votave ka pasur proces të rinumërimit nën vëzhgimin e prokurorëve, pas shqetësimeve të ngritura për tjetërsim të votave.

Ndërkohë Paneli Zgjedhor për Ankesa dhe Parashtesa në Kosovë kërkon nga Komisioni Qendror i Zgjedhjeve që të rinumërojë 134 vendvotime.

Kjo kërkesë nga PZAP erdhi pas ankesave të paraqitura nga deputetë të subjekteve politike.