Marrëveshja me Italinë, në Gjadër të Lezhës nis ndërtimi i kampit të refugjatëve

Në Gjadër të Lezhës kanë nisur punimet për ndërtimin e kampit të refugjatëve afrikanë që pritet të vijnë nga Italia, pas marrëveshjes së nënshkruar mes kryeministrave Edi Rama dhe Giorgia Meloni.

Italia do të ndërtojë dy qendra të menaxhimit të emigranteve në Shqipëri, të cilat kur të jenë plotësisht funksionale, do të jenë në gjendje të menaxhojnë rreth 36 mijë persona në vit.

Pas zbarkimit që do të bëhet në Shëngjin, emigrantët do të vijojnë në strukturat e tjera që po ndërtohen në Gjadër.

Kujtojmë se marrëveshja mes Ramës dhe Melonit parashikon që emigrantët që shkojnë nga Afrika në Itali të kthehej në Shqipëri dhe të qëndrojnë aty derisa vendi fqinj të përcaktojë nëse ata do të kthehen mbrapsht për në vendin e origjinës apo do të pranohen në Itali.

Kujtojmë se marrëveshja është kritikuar shumë nga opozita në të dy vendet, por skepticizëm ka shprehur edhe faktori ndërkombëtar.

LEXONI GJITHASHTU:

• “Marrëveshja me Italinë propagandë politike”, Bartolo: Shqipëria nuk përfiton asgjë!
• Marrëveshja për emigrantët me Italinë, Varhelyi: Po e analizojmë, model interesant