Pikëpyetjet e rinumërimit, AAK kërkon të verifikohen të gjitha kutitë, Daka refuzon

Aleanca për Ardhmërinë e Kosovës, në mbledhjen e djeshme të Komisionit Qendror të Zgjedhjeve, kërkoi rinumërim të plotë të votave nga zgjedhjet e 14 shkurtit, kërkesë kjo që nuk gjeti mbështetje edhe nga anëtarët e tjerë të KQZ-së.

Kërkesa e AAK-së vjen pas dyshimeve për manipulim të votave, dhe që me kërkesë të Panelit Zgjedhor për Ankesa dhe Parashtesa, janë rinumëruar votat për disa nga kandidatët e Aleancës për Ardhmërinë e Kosovës.

Kujtojmë se për dyshimet në lidhje me manipulimin e votave, nga radhët e AAK-së ka dhënë dorëheqjen edhe ministrja e Jashtme, Meliza Haradinaj-Stublla.

Ndërkohë, në Kosovë janë arrestuar dy komisionerë pas dyshimeve për manipulim të votave në qendrën e numërimit dhe rezultateve.

Sakaq, Paneli Zgjedhor për Ankesa dhe Parashtesa në Kosovë kërkon nga Komisioni Qendror i Zgjedhjeve që të rinumërojë 134 vendvotime.

Kjo kërkesë nga PZAP erdhi pas ankesave të paraqitura nga deputetë të subjekteve politike.

Lexoni gjithashtu:

Arrestohen 2 komisionerë në Kosovë, dyshohen për manipulim të votave

Rezultati i zgjedhjeve në Kosovë, PZAP kërkon rinumërim të 134 vendvotimeve