Ministri i Mbrojtjes së Italisë: Vendi ynë do mbajë linjat e komunikimit me Moskën

Italia do të mbajë të hapura linjat e saj të komunikimit me Rusinë, pavarësisht nga lufta e vazhdueshme në Ukrainë.

Sipas mediave të huaja, lajmin e bëri të ditur Ministri i Mbrojtjes së vendit, i cili tha se kanalet e komunikimit dhe dialogut të mbahen të hapura.

“Megjithëse Federata Ruse ka pushtuar një vend sovran, dhe për këtë arsye Italia dhe Franca gjithmonë mbështesin dhe do të mbështesin Ukrainën, është e rëndësishme që kanalet e komunikimit dhe dialogut të mbahen të hapura gjithashtu,” tha në një deklaratë italiani Guido Crosetto, lëshuar sot.

Të mërkurën, ministri francez i Forcave të Armatosura, Sebastien Lecornu, pati një bisedë telefonike me Sergei Shoigu të Rusisë, e para që nga tetori 2022, me disa komentues që kritikuan vendimin.

Gjatë telefonatës, Franca dënoi “luftën e agresionit” të Rusisë në Ukrainë, por Parisi më vonë u detyrua të mohonte pretendimet ruse se shprehu gatishmërinë për të zhvilluar dialog mbi Ukrainën ose për të diskutuar negociatat e mundshme të paqes.

LEXONI GJITHASHTU:

• Dështimet në flotën e Detit të Zi, Moska ndërron komandantët e Marinës ruse
• Diplomatët e huaj vendosin lule në vendin e sulmit në sallën e koncerteve në Moskë