Diplomatët e huaj vendosin lule në vendin e sulmit në sallën e koncerteve në Moskë

Diplomatët e huaj në Rusi kanë vendosur lule në vendin ku ndodhi sulmi i javës së kaluar në një sallë koncertesh në periferi të Moskës, që vrau 144 persona.

Sipas mediave të huaja, pjesëmarrësit përfshinin zëvendës shefin e misionit britanik në Rusi, Tom Dodd dhe përfaqësues të SHBA-së, vendeve në BE, Afrikës dhe Amerikës Latine.

Agjencia shtetërore ruse e lajmeve RIA Novosti vuri në dukje se të pranishmit përfshinin përfaqësues të “shteteve jomiqësore”.

Agjencia shtetërore ruse e lajmeve TASS raportoi sot se numri i personave të plagosur në sulm ishte 551, duke cituar shifra nga departamenti rajonal i Moskës i Ministrisë ruse të Situatave Emergjente.

Numri i të vdekurve u rrit në 144 të premten, kur një viktimë e plagosur rëndë vdiq në spital, sipas ministrit rus të Shëndetësisë, Mikhail Murashko.

LEXONI GJITHASHTU:

• Sulmi në Moskë| Ambasadorja amerikane në Rusi me komunikatë të pazakontë
• Sulmi në sallën e koncerteve Moskë, Taxhikistani arreston disa persona