“Me rëndësi Bashkimi i Europës”, Macron konferencë për shtyp me Ramën në Paris

Presidenti francez Emmanuel Macron ka mbajtur një konferencë të përbashkët për shtyp me kreun e qeverisë Edi Rama, i cili ndodhet në Paris.

Macron në fjalën e tij u shpreh se Bashkimi i Europës, është i rëndësishëm ndërsa shtoi se zëri i Shqipërisë është i rëndësishëm në çështjet rajonale.

Ai foli dhe për huan që Franca do i japë Shqipërisë për mbështetjen e mjedisit.

“Këto dy vizita  dhe dialogu që ne kemi dëshmojnë për dinamikën e jashtëzakonshme të marrëdhënieve përmes Shqipërisë dhe Francës. Ju e dini se mund të keni besim te vendosmëria ime për  të intensifikuar dhe më shumë. Dua të përsëris angazhimin e Francës në favor të angazhimit evropian të Shqipërisë dhe më gjerë, të lëvizjes që kemi për Ballkanin Perëndimor. Këtu bëhet fjalë për të vepruar për Bashkimin e Europës. Është gjithashtu një veprim paqeje për të gjithë rajonin. Jemi të impresionuar nga tërësia e reformave dhe kapacitetet për të avancuar.

Dua të përshëndes zërin e veçantë të Shqipërisë. Në të gjitha çështjet rajonale është i nevojshëm normalizimi i marrëdhënieve përmes Serbisë dhe Kosovës ku zëri juaj është i çmuar. Gëzohem për nënshkrimin të një marrëveshje qeveritare që do  i jap një impuls të ri bashkëpunimit tonë veçanërisht në fushat të menaxhimit të ujit dhe të tubacionit.

Do e mbështesim Shqipërinë në reformat e saj ekonomike dhe tranzicionin energjetik dhe nënshkrimi i një huaje prej 120  mln për reformën në mjedis do na lejojnë të kapërcejmë këto etapa dhe më shumë se ato që kemi nisur para 6 muajsh. E admiroj rrugën që ka bërë vendi juaj për miqësinë për ndjenjat evropiane”-tha Macron.

LEXONI GJITHASHTU: 

• Kryeministri Rama vizitë në Paris, pritet me nderime të larta shtetërore
• Prokurori i Përgjithshëm i Spanjës takohet me kreun e ILD, zbardhet biseda