A do ta sulmojë Irani Izraelin? Paralajmërimi i SHBA dhe rreziku i luftës

Irani po përgatit një sulm ndaj Izraelit. Por, presidenti amerikan Xho Bajden thotë se kjo nuk duhet të ndodhë, pasi SHBA është në krah të shtetit që drejtohet nga Netanjahu.

Presidenti amerikan, Joe Biden, ka thënë se pret që Irani të sulmojë Izraelin së shpejti, teksa rriten shqetësimet për hakmarrje.

Izraeli nuk e ka pranuar se e ka sulmuar konsullatën iraniane në Siri, mirëpo ka sugjerime se ai qëndron mbrapa.

Nga ana e vet, Izraeli ka thënë se është i gatshëm të mbrojë vetën, por në krah të tij qëndron edhe SHBA, ku vetë presidenti Biden i ka thënë Iranit, “Mos”.

“Ne jemi të përkushtuar për ta mbrojtur Izraelin. Ne do ta mbështesim Izraelin. Ne do ta ndihmojmë Izraelin që të mbrohet dhe Irani nuk do t’ia dalë”.

Irani e përkrah Hamasin, i cili udhëheq Gazën dhe lufton kundër Izraelit, ndërsa Shtetet e Bashkuara dhe Bashkimi Evropian e kanë shpallur grup terrorist.

Irani mbështet edhe disa rrjete tjera luftarake në rajon, përfshirë Hezbollahun në Liban, të cilat kryejnë sulme të shpeshta kundër izraelitëve.

LEXONI GJITHASHTU: 

• Biden i prerë me Netanyahun: Mbështetja amerikane për luftën varet nga masat e reja
• Biden: Mbështetja e SHBA-së për Izraelin varet nga mbrojtja e civilëve