Italia, sërish zonë e kuqe, rritja e të infektuarve, nga e hëna më shumë rajone në izolim

Për shkak të rritjes së të infektuarve gjithnjë e më shumë rajone të Italisë po cilësohen sërish zona të kuqe që do të thotë se rreziku mbetet i lartë.

Masa të tilla si mbyllja gjatë fundjavave po propozohen të hyjnë fuqi përpara Pashkëve në mënyrë që të luftohen llojet e reja të virusit që po shkaktojnë rritjen e infeksioneve.

Nga e hëna pritet që shumë rajone të kalojnë në ‘lockdown’, ku shkollat do të vijojnë mësimin on line, baret e restorantet do të rimbyllen.

Një ditë më parë, në shtetin fqinj u raportua për 25.673 raste të reja me covid-19 dhe 373 viktima. Qytetarët shpresojnë që vaksinimet së shpejti do të fillojnë të përshpejtohen.