Ishte shpallur në kërkim për drogë, arrestohet 35-vjeçari në Elbasan

Një 35-vjeçar në Elbasan ka rënë në prangat e Policisë, pasi ishte i shpallur në kërkim për drogë.

Përmes një njoftimi Policia ka bërë të ditur se ky shtetas është kapur si rezultat i bashkëpunimit me shërbimet e PKK Kapshticë.

Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Njoftimi i Policisë:

DVP Elbasan-I shpallur në kërkim për veprën penale “Prodhimi dhe shitja e narkotikëve”, kapet si rezultat i bashkëpunimit me shërbimet e PKK Kapshticë dhe vihet në pranga 35-vjeçari.

Si rezultat i veprimeve operacionale të kryera intensivisht nga Policia e Elbasanit, në kuadër të megaoperacionit “Tempulli 2”, dhe i hetimeve të ndjekura me metoda proaktive, në bashkëpunim me Prokurorinë e Elbasanit, për të nxjerrë përpara përgjegjësisë penale, shtetasit që prodhojnë dhe/ose shesin lëndë narkotike, specialistët e Sektorit për Hetimin e Narkotikëve dhe Trafiqeve të Paligjshme të DVP Elbasan ndaluan shtetasin S. B., 35 vjeç, banues në Gramsh, i shpallur në kërkim në kuadër të megaoperacionit “Tempulli 2”, për veprën penale “Prodhimi dhe shitja e narkotikëve”.

Ky shtetas është kapur si rezultat i bashkëpunimit me shërbimet e PKK Kapshticë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Esktradohen nga Italia, Gjermania dhe Greqia, 3 të akuzuar për drogë dhe mashtrim
• EMRAT| Kush janë tre të arrestuarit në Vlorë nga operacioni ndërkombëtar anti-drogë