Biletat e fundit për gjysmëfinale, 2 supersfida në Champions

2 bileta mbeten në dispozicion për gjysmëfinalet e Champions League, ndërsa në garë janë 4 skuadra me kushte të barabarta. Kampionët në fuqi të kompeticionit Manchester City që përballet me rekordmenët e kësaj gare, ndërsa në anën tjetër, ligjvënësit gjermanë sfidohen nga të pafatët e Arsenal, me këta të fundit që kanë të gjitha shancet për të kaluar më tej.

Vëmendja e gjitha është në Ethihad, aty ku luhet superdueli Manchester City-Real Madrid. Barazimi 3-3 në Bernabeu tregon një lloj balance mes dy skuadrave, ku lajmi i mirë është se the cityzens vijnë me organikën e plotë, por në anën tjetër Tchouameni mungon për shkak kartonësh e sic dihet Alaba e Courtois ende nuk janë rikuperuar. Në ndeshjet e fundit në kampionat të dyja kanë regjistruar fitore, më e thellë ajo e të besuarve të Guardiolës ndaj Luton 5-1, ndërsa galaktikët mposhtën minimalisht Majokran 0-1. Gjykimi i është besuar Dani Orsato, ndërsa do të ketë jo pak punë në ndarjen e drejtësisë, teksa kjo është përballja e 12-të mes tyre, ku britanikët kanë 4 fitore, 3 spanjollët dhe 4 janë mbyllur në barazim.

Paralelisht një biletë fluturon në qiellin e Allianz Arenës, aty ku Bayern e Arsenal përballen me njëra-tjetrën. Një barazim 2-2 në Londër, që thuajse nis gjithcka nga zero, vetëm se skuadrat kanë disa ndryshime nga hera e parë. Coman, Davies e Gnabry i shtohen listës së lojtarëve që do të mungojnë, ndërsa në kampin anglez Saka e Odegaard janë në dyshim. Aston Villa i shkaktoi humbje Arsenalit në ndeshjen e fundit në ligë, ndërsa bavarezët fituan pastër ndaj Koln, por këto statistika nuk tregojnë asgjë për supersfidën e së martës. Një holandez vendos drejtësi, e ai është Dani Makelie.

LEXONI GJITHASHTU:

• Dy gjysmëfinalistët e parë në Champions League, “dhimbje” në Madrid
• Kërcënimi i ISIS, blindohen stadiumet ku do të luhen ndeshjet e Champions League