Mbeti jashtë listës së PS-së, ministrja Margariti shprehet se është pjesë e skuadrës socialiste

Ministrja e Kulturës, Elva Margariti tregon se do të jetë pjesë e skuadrës së Partisë Socialiste për zgjedhjet e 25 prillit. 

Mungesa e emrit në listat e kandidatëve për deputetë nuk e zbeh angazhimin e saj pranë PS-së, angazhim për të cilin Margaritit siguroi se do të vijojë edhe pas zgjedhjeve.

E pyetur nga Euroneës Albania për gjendjen e mjerueshme të pallatit të Kulturës në Maliq “Dhimitër Orgocka”, ministrja tha se është detyrë e bashkisë së Maliqit rikonstruksioni i godinës.

Margariti ishte në Korçë me rastin e inaugurimit të godinës emblematike të Muzeut Kombëtar të Arsimit, e njohur si Mësonjëtorja e parë shqipe.

Gjatë një interviste të dhënë pak ditë më parë për Euroneës Albania, Elva Margariti tha se figurat e reja që i janë bashkuar ekipit të PS kanë ngjallur frymë të mirë.

Znj. Margariti, e cila u angazhua si Koordinatore për hartimin e projekteve në procesin e rindërtimit e cilësoi sukses detyrën e saj duke thënë se i ka bërë ballë një sfide por duke se kjo nuk ka mjaftuar që të përfshihet në listën e kandidatëve.

Jashtë listave të Partisë Socialiste mbetën edhe emra të tjerë të njohur të PS-së, si Ditmir Bushati, Andor Shameti, Englantina Gjermeni, Elona Gjebrea, Anastas Angjeli, Sadri Abazi, Musa Ulqini, Vasilika Hysi, Sadi Vorpsi, Besnik Bare, Sandër Lleshaj, dhe Senida Mesi.