Dyshohet se përdhunuan 31-vjeçarin, 2 të arrestuarit dalin para Gjykatës në Elbasan

Mbahet Gjykatën e Elbasanit seanca gjyqësore për dhënien e masës së sigurisë ndaj dy personave që akuzohen për përdhunimin e një 31-vjeçari me probleme mendore.

Paraprakisht mësohet se Prokuroria do të kërkojë “arrest me burg pa afat” për B.Jollen i cili ka pranuar pjeserisht ngjarjen. Jolla para oficereve te policisë ka deklaruar se e kanë zhveshur 31 vjeçarin. Ndërkohë për R. Ballën prokuroria do të kërkojë “arrest me burg me afat” pasi mbrojtja ka paraqitur alibinë, sipas së cilës personi i dyshuar nuk ka qenë fare i pranishëm në vendin e ngjarjes në kohën kur pretendohet nga akuza.

Pritet që alibia të cilën mbrojtja e pretendon se e ka të dokumentuar me pamje filmike, të vërtetohet nga hetimet e organit të akuzës.

Denoncimi për përdhunimin e 31 vjeçarit u bë nga e ëma e tij, e cila posedon një bar kafe pranë subjektit që dy të akuzuarit punonin si roje.

Herë herë djali shkonte në vendin e rojes dhe dërgonte kafene, aty ku mendohet se ka ndodhur edhe akti.

Mjekësia ligjore konfirmon abuzimin seksual ndaj 31-vjeçarit me probleme të shëndetit mendor. Do të jenë hetimet e mëtejshme që do të vërtetojnë kush janë autorët.

LEXONI GJITHASHTU:

• U abuzua nga rojet kur u çonte kafetë, si u përdhunua 31-vjeçari në Elbasan
• Tentoi të përdhunonte në një kafene 32-vjeçaren, arrestohet shqiptari