Arrestohet personi që u dyshua se do hidhte në erë konsullatën iraniane në Paris

Policia franzeze ka arrestuar personin i cili kërcënoi se do hidhte në erë në konsullatën iraniane në Paris.

Hetimet zbuluan se personi i dyshuar se mbante me vete një brez me eksploziv, ishte i parmatosur.

Një burim policor i tha agjencisë së lajmeve Reuters se personi në fjalë u pa rreth orës 11 të mëngjesit me orën lokale duke hyrë në konsullatë dhe duke mbajtur një granatë dhe jelek shpërthyes me vete.

Zona u rrethua nga forcat speciale franceze dhe burri u ndalua pasi doli nga konsullata.

Kanali televiziv francez BFM tha se burri ishte i pajisur me granata false dhe jo municion të vërtetë.

Një burim policor tha se i njëjti person dyshohet për një tentativë zjarrvënieje pranë konsullatës iraniane në një incident shtatorin e kaluar.

Gazeta Le Parisien duke iu referuar dëshmitarëve, tha se burri kishte tërhequr zvarrë flamujt në konsullatë dhe tha se donte të hakmerrej për vdekjen e vëllait të tij

Ishte e paqartë nëse incidenti kishte ndonjë lidhje me tensionet në rritje midis Iranit dhe Izraelit.

Vetëm mëngjesin e sotëm Izraeli ndërmori një sulm me raketa mbi qytetin iranian të Isfahanit, por që Teherani e hodhi poshtë incidentin dhe tregoi se nuk kishte plane për hakmarrje.

LEXONI GJITHASHTU:

• Forcat speciale franceze rrethojnë konsullatën iraniane në Paris
• Çfarë dihet deri tani nga sulmi hakmarrës i Izraelit ndaj Iranit
• Sulmi i Izraelit, zyrtari në Teheran: Irani s’ka plan për hakmarrje të menjëhershme