Festivali i dritave në Danimarkë, 30 instalacione nga artistë të ndryshëm ndriçojnë kryeqytetin Kopenhagen

Pavarësisht COVID-it, Danimarka nuk ka masa kufizuese të rënda apo një shtetrrethim, kështu që po zhvillon festivalin e dritave në kryeqytetin Kopenhagen.

Grupe të vogla, deri në katër persona, mund të vizitojnë 30 instalacionet e festivalit.

 “Jemi të lumtur, falënderues dhe krenar, që kemi festivalin e vetëm të dritave për këtë vit,” – u shpreh Jesper Kongshaug, kurator dhe drejtor i festivalit.

Ndërkohë që qytetarët e kanë konsideruar praninë e dritave në këto muaj të errët si diçka shumë motivuese.

“Dëgjova për këtë festival nga mediat sociale dhe qenka vërtet fantastik,” – tha një turist nga Spanja

Festivali po zhvillohet në kryeqytetin danez të Kopenhagenit çdo ditë nga ora 5:00 deri në 10:30 të mbrëmjes deri më 27 shkurt.

Instalacionet dhe artistët janë të publikuar edhe në faqen në internet të festivalit dhe në platformat e medias sociale.