Trump: Jam gati të rinovoj aleancën konservatore me Orban

Ish-presidenti i SHBA-së dhe kandidati republikan për president, Donald Trump tha se është gati të rinovojë aleancën konservatore me kryeministrin hungarez Viktor Orban.

Në një video-mesazh, Trump deklaroi se mezi pret të punojë ngushtë me Orbanin kur, siç tha ai, të betohet edhe një herë si presidenti i 47-të i SHBA-së, raportoi AP.

Në mesazhin e tij, Trump e quajti Orbanin një njeri të madh dhe theksoi se gjatë kohës që ishte president i SHBA-së, ai ka punuar me të për të përmirësuar vlerat dhe interesat e SHBA-së dhe Hungarisë.

Mesazhi i Trump u transmetua në një mbledhje në Budapest të Konferencës Konservatore të Veprimit Politik (CPAC), e cila është organizata më e spikatur konservatore në SHBA.

Është mbledhja e tretë e CPAC në Hungari. Orban ka qenë një nga aleatët më të ngushtë të Trump në Evropë gjatë presidencës së tij dhe të dy u takuan në Florida në mars.

Pas takimit të tyre, Orban i dha mbështetjen e tij Trumpit dhe tha se vetëm kthimi i Trump në Shtëpinë e Bardhë mund të sjellë paqe në Ukrainë.

LEXONI GJITHASHTU:

• Orban: Në Evropë ka një humor lufte, Brukseli po “luan me zjarrin”
• Tensione në Bruksel, policia mbyll takimin e të djathtës ekstreme të Orban e Farage