Në shpëtim të sezonit turistik, marrëveshja Greqi-Serbi, të pranohen edhe certifikatat me vaksinat ruse e kineze

Greqia është ndër shtete e para evropiane, e cila po përpiqet të shpëtojë sezonin e saj turistik, çka ka një ndikim të madh të ekonominë e shtetit fqinj.

Madje ka qenë ndër vendet e para që ka kërkuar të aplikohet pasaporta e gjelbërt e COVID-19 si një biletë e sigurt për të gjithë ata persona që janë vaksinuar, që kanë krijuar imunitet apo rezultojnë negativ ndaj COVID.

Më së fundmi autoritetet greke shprehen se do të pranojnë të gjitha certifikatat e vaksinimit të lëshuara nga Serbia, madje edhe për dozat e vaksinave  që nuk janë miratuar nga Agjencia Evropiane e Barnave (EMA), të tilla si vaksinat  ruse dhe kineze.

Lajmi u bë me dije nga ministri grek i Turizmit gjatë një vizite në Beograd ku u takua me homologen e tij dhe pikë kyçe e bisedimit ishte mënyra e lehtësimit  të udhëtimit midis dy vendeve për sezonin e ardhshëm të verës.

Të dy zyrtarët ranë dakord të veprojnë në bazë të propozimeve të BE dhe të zbatojnë reciprokisht tre protokolle në Greqi dhe Serbi.

Ata diskutuan mundësinë e pranimit të turistëve serbë, të cilët mund të paraqisnin një dokument që vërteton se ata kanë një test negativ PCR ose  e kanë kaluar virusin dhe kanë krijuar antitrupa

Ministri grek gjithashtu tha se qeveria greke do të shqyrtojë mundësinë e hapjes së kufijve të saj me Serbinë përpara Pashkëve Ortodokse, pasi programi i vaksinimit “po përparon me shpejtësi”.

Këtë vit, sipas ministrit turistët serbë do të jenë në gjendje të hyjnë në Greqi përmes dy pikave kufitare nga Maqedonia e Veriut dhe tre pikave kufitare nga Bullgaria.

Në 14 maj Greqia pritet të hap sezonin turistik.